Тус Цагдаагийн газар иргэн, аж ахуйн нэгж, байгууллагаас 2016 оны 05 дугаар сард гэмт хэрэг, захиргааны зөрчлийн шинжтэй 1094 гомдол, мэдээлэл хүлээн авч, нийт хүлээн авсан гомдол, мэдээллийн 1005-г шийдвэрлэсэн. Үүнээс гэмт хэргийн шинжтэй гомдол мэдээлэл 387-г хүлээн авч, 296 буюу 76.5 хувийг хуулийн анхны хугацаанд, 91 буюу 23.5  хувийг 6-19 хоногт тус тус шийдвэрлэж, одоо үлдэгдэл 89 гомдол мэдээллийг хуулийн хугацаанд нь шалгаж байна.

      Нийт хүлээн авсан гомдол, мэдээллийн 259-г нь эрүүгийн хэрэг үүсгэхээс татгалзах саналаар прокурорт хүргүүлж, 117-н гомдол, мэдээлэлд эрүүгийн хэрэг үүсгэж, 11 гомдол, мэдээллийг эрүүгийн хэрэгт нэгтгэн шалгаж, 22 гомдол мэдээллийг харъяаллын дагуу шилжүүлж, 588 материалд захиргааны арга хэмжээ авч, 8 гомдол, мэдээллийг бусад байдлаар шийдвэрлэсэн.

 Гэмт хэргийн ангилалын талаар:

    Гэмт хэргийг ангилалаар авч үзвэл  өнгөрсөн оны мөн үеэтэй харьцуулахад хөнгөн, хүндэвтэр гэмт хэргийн гаралт 1.2-15 хувиар буурч,  хүнд гэмт хэрэг  33.3 хувиар өсч, онц хүнд гэмт хэрэг энэ сард бүртгэгдээгүй.

   Үүнд: Бусдыг амиа хорлоход хүргэх гэмт хэрэг 75 хувиар,бусдын эд хөрөнгийг хулгайлах гэмт хэрэг 21.4 хувиар,  үүнээс: иргэдийн өмчийг хулгайлах гэмт хэрэг 33.3 хувиар, малын хулгайн гэмт хэрэг 46.2 хувиар, эмэгтэй хүн оролцсон гэмт хэрэг 25 хувиар, хүүхэд оролцсон гэмт хэрэг 50 хувиар, бусад гэмт хэрэг 33.3 хувиар тус тус  буурч,  бусдын бие махбодид санаатай гэмтэл учруулах гэмт хэрэг 3.2 хувиар, хөдөлгөөний аюулгүй байдлын эсрэг гэмт хэрэг 66.6 хувиар, гэр бүлийн хүчирхийллийн эсрэг гэмт хэрэг 54.5 хувиар өсч,  бусдын өмчийн ашиглалын эсрэг гэмт хэрэг 3.5 дахин, танхайрах гэмт хэрэг 1-ээр, хүчиндэх гэмт хэрэг 2-оор ,  тээврийн хэрэгслийг хулгайлах гэмт хэрэг 5-аар нэмэгдэж, албан тушаалын гэмт хэрэг, согтуугаар үйлдэгдсэн гэмт хэрэг, бүлэглэн үйлдсэн гэмт хэргүүд  тус тус мөн үеийн түвшинд байна.

      Гэмт хэргийн улмаас байгууллага, аж ахуйн нэгж, иргэдийн өмчид 89.8 сая төгрөгийн хохирол учирсаны 77.1 сая төгрөг буюу 85.9 хувийг хэрэг бүртгэлт, мөрдөн байцаалтын шатанд нөхөн төлүүлсэн.

       Иргэд, аж ахуйн нэгж байгууллагаас захиргааны зөрчлийн шинжтэй 1686 гомдол, мэдээлэл хүлээн авч, үүнээс торгуулийн хуудсаар торгох шийтгэл ногдуулсан бүртгэлд 810 хүний, шийтгэврээр торгох шийтгэл ногдуулсан бүртгэлд  750 хүний мэдээ мэдээлэл санд шивэгдэж, 76194.1 төгрөгний торгуулийг 1560 хүнд ногдуулсан байна. Мөн 30 хүнийг шүүхийн шийдвэрээр захиргааны журмаар 7-30 хоногийн хугацаагаар баривчлуулж,  архи согтууруулах ундааг хэтрүүлэн хэрэглэсэн үедээ зөрчилд холбогдсон 275 хүнийг саатуулав.

Суманд бүртгэгдсэн гэмт хэрэг:

       2016 оны  05 дугаар сард  Алтай суманд 6,  Алтанцөгц суманд 5, Баяннуур суманд 11, Бугат суманд 4, Буянт суманд 3, Булган суманд 1, Дэлүүн суманд 5, Улаанхус суманд 14, Ногооннуур сум 6, Сагсай суманд 2, Цэнгэл суманд 11, Толбо суманд 2, Өлгий сумын төвд 46 гэмт хэрэг тус тус бүртгэгдсэн байна.

ТӨЛӨВЛӨЛТ, ЗОХИОН БАЙГУУЛАЛТЫН ТАСАГ