/ Мэдээ мэдээлэл / Цаг үе үйл явдал / МӨРДӨН БАЙЦААХ ТАСАГ

МӨРДӨН БАЙЦААХ ТАСАГ

МӨРДӨН БАЙЦААХ ТАСАГ

     Тус Цагдаагийн газарт анх 1952 оноос мөрдөн байцаагч томилогдон ажиллаж эхэлсэн бөгөөд 1970-аад он хүртэл энэ үүргийг нэг хүн гүйцэтгэж байжээ.

     Анхны мөрдөн байцаагчаар цагдаагийн хошууч Чөмөөгийн Абилмажин 1952-1975 оны хооронд ганцаараа ажиллаж байжээ.

    Ахлах мөрдөн байцаагч 1990 он хүртэл цагдан сэргийлэх ангийн харьяанд ажиллаж байсан бөгөөд УЦСЕГ-ын даргын 1990 оны 07 дугаар сарын 06-ны өдрийн 367 дугаар тушаалаар Мөрдөн байцаах тасаг анх байгуулагдсан байна.

    Цагдаагийн ерөнхий газрын даргын 2014 оны 05 дугаар сарын 20-ны өдрийн 338 тушаалаар Цагдаагийн байгууллагын бүтэц, зохион байгуулалт өөрчлөгдсөн бөгөөд Эрүүгийн болон Хэрэг бүртгэх, Мөрдөн байцаах тасгийг нэгтгэн Гэмт хэрэгтэй тэмцэх тасаг болгон өөрчилж гэмт хэрэг, зөрчлийн талаарх гомдол, мэдээлэл болон эрүүгийн хэргийг хүлээн авч, шалгаж шийдвэрлэх, эрүүгийн хэргийг илрүүлэх, таслан зогсоох, түүнээс урьдчилан сэргийлэх чиг үүргийг хэрэгжүүлэн ажиллаж эхэлсэн байна.

Мөн Цагдаагийн ерөнхий газрын даргын 2015 оны 05 дугаар сарын 29-ний өдрийн б/310 дугаар тушаалаар Хэрэг бүртгэх тасгийг мөрдөн байцаах тасагтай нэгтгэн Хэрэг бүртгэх, мөрдөн байцаах тасгийг байгуулж, улмаар 2017 оны 06 дугаар сарын 30-ны өдрийн Б/288 дугаар тушаалаар Хэрэг бүртгэх, мөрдөн байцаах тасгийн бүтцийг өөрчилж Мөрдөн байцаах тасгийг дахин байгуулсан байна.

             

              Мөрдөн байцаах тасгийг удирдаж байсан үе үеийн дарга нар:

              цагдаагийн ахмад Ж.Сейтахмет                      1990-1992

              цагдаагийн дэд хурандаа Х.Хаутай                 1992-1999

              цагдаагийн ахмад Х.Бакен                                1999-2000

              цагдаагийн ахмад З.Мырзабек                         2000-2003

              цагдаагийн ахмад Х.Ургац                                2003-2007

              цагдаагийн хошууч Г.Бауыржан                        2007-2013

              цагдаагийн дэд хурандаа Ж.Өлзийтогтох        2013-2018

              цагдаагийн хошууч Н.Дарханбаяр                   2018-2020

              цагдаагийн хошууч Г.Мөнхдөл 2020 оны 01 дүгээр сараас хойш томилогдож ажиллаж байна.

     Тус тасагт ахлах мөрдөгчөөр, цагдаагийн хошууч, цагдаагийн хошууч А.Өмиргүл, цагдаагийн ахмад Б.Үнэнзоригт, мөрдөгчөөр,цагдаагийн ахмад М.Анаргүл, цагдаагийн ахмад Т.Нурболат, цагдаагийн ахлах дэслэгч Д.Нурбол, цагдаагийн ахлах дэслэгч Б.Заяабаатар, цагдаагийн дэслэгч Т.Саранчимэг нар ажиллаж байна.

       Мөрдөн байцаах тасгийн үндсэн чиг үүрэг нь Монгол Улсын Эрүүгийн хуулийн тусгай ангид заасан гэмт хэргийн талаарх гомдол мэдээлэл, гэмт хэрэгт Эрүүгийн хэрэг хянан шийдвэрлэх тухай хуульд заасан үндэслэл журмын дагуу мөрдөн байцаалтын ажиллагааг явуулах, гэмт хэрэг үйлдсэн хүн, хуулийн этгээдийг олж тогтоох, мөрдөн шалгах ажиллагаа явуулж хэргийг шийдвэрлэх.

 

 

 

СЭТГЭГДЭЛҮҮД :

Сэтгэгдэл үлдээгээгүй байна

Энд дарж зурган кодыг шинэчилнэ үү
Статистик мэдээ
  • 2020-11-01
Эрэн сурвалжилж байна