СЭРЭМЖЛҮҮЛЭГ
Нийт Өлгийчүүд та бүхэндээ ирж буй шинэ жилийн баярын мэндийг хүргье.
Шинэ жилийн баярыг тэмдэглэн өнгөрүүлэхтэй холбоотойгоор дараах сэрэмжлүүлгийг хүргэж байна. Үүнд:
-Архи, согтууруулах ундааг хэтрүүлэн хэрэглэхгүй, согтууруулах ундаа хэрэглэсэн үедээ тээврийн хэрэгсэл жолоодохгүй байх
-Худалдан авч байгаа хүнсний бүтээгдэхүүн, архи согтууруулах ундааны чанар, хадгалах хугацааг харж, стандарт шаардлага хангасан бүтээгдэхүүн худалдан авах
-Зөвшөөрөлгүй, чанарын шаардлага хангаагүй, хэрэглэх зааваргүй БНХАУ-д үйлдвэрлэсэн Салют /Пиротехникийн хэрэгсэл/-ийг худалдан авч хэрэглэхгүй байх.
-Хулгайн гэмт хэргээс урьдчилан сэргийлэх, хүлээн авалт, баяр ёслолд оролцохдоо эд зүйлээ хулгайд алдах, гээгдүүлэхээс сэргийлэх
-Байгууллага, аж ахуйн нэгжүүд дотооддоо хариуцлагатай эргүүл ажиллуулж, гэмт хэргээс урьдчилан сэргийлэх, шинэ жилээ нийтээр тэмдэглэн өнгөрүүлэх үед ажилчин, алба хаагчдынхаа аюулгүй байдалд онцгой анхаарах
-Шинэ жилийн гэрэлтүүлэг чимэглэлийн цахилгаанаас үүдэлтэй гал, түймрээс сэргийлэх
ЦАГДААГИЙН ГАЗАР