Цагдаагийн ерөнхий газрын даргын 2015 оны 04 дүгээр сарын 09-ний өдрийн Б/193 дугаар тушаалаар тус Цагдаагийн газрын Булган сум дахь хэсгийн төлөөлөгч /дадлагажих/, цагдаагийн ахлах ахлагч Хуандыхын Жагсылыхыг Булган сум дахь хэсгийн төлөөлөгчөөр томилж, Хууль зүйн сайдын 2015 оны А/64 дүгээр тушаалаар баталсан “Цагдаагийн албан тушаалын цол олгох журам”-ын дагуу “Цагдаагийн дэслэгч” цол олгосныг Цагдаагийн газрын дарга, цагдаагийн хурандаа М.Батболд нийт бие бүрэлдэхүүний өмнө гардуулав. Цол гардуулах ажиллагаанд Хууль зүйн яамны  Төрийн захиргааны удирдлагын газрын дарга Э.Зоригт оролцов.